Haiku Sunda Yusef Muldiyana

 

ieu haiku
judulna gurat batu
geura regepkeun

nyieun haiku
bari jeung gurat batu
asa mo metu

Haiku aing
haiku gurat batu
kumaha aing

Nu sok disebut
Jelema gurat batu
bener sorangan

Si gurat batu
dititah saban waktu
cadu ngagugu

Tapi manehna
lamun seug tutah-titah
kudu digugu

Nu kasebut
mangkeluk gurat batu
hese dicawad

gurat batu teh
sok asa pang aingna
sa alam dunya

Cadu diwarah
komo dipapatahan
si gurat batu

Gurat batu mah
tara parok jeung batur
hirup nyorangan

si gurat batu
sakapeung peupeuleukeuk
kadang ngabueuk

jalma egois
ngaranna gurat batu
hatena teuas

gurat jeung batu
heurasna siga cadas
tareuas naker

Embung dikritik
ngaranna gurat batu
dasar belegug

Jadi jelema
ulah sok gurat batu
bisi dicacag

Yeuh dengekeun
aing si gurat batu
tong lalawora!

Persib nu aing
maung nu Pa Koramil
garurat batu

Persib nu aing
maung nu Siliwangi
Si Kakang Prabu.