Haiku Berbahasa Sunda

Maman Widia

 
Babakan madang
Kadinya kuring jalan
Neang kamelang

jauh ti kampung
inget ema jeung bapa
oge baraya

Di cisarua
Keur usum hujan pisan
Hate na tiis

Peuting nu jempling
Sumirat bulan poek
Nambah kamelang

jauh ngumbara
Nuturkeun indung suku
Miceun kasusah

Miceun kasono
Kuris nyerat puisi
Neundeun ka emut

Di katulampa
Kapendak saling teuteup
Teras papisah

Taneuh pakuan
Loba carita pisan
Jaya na sunda

Angin priangan
Anu mawa carita
Pinuh kasedih

Dikota bogor
Hujan na turun gede
Dugi ka banjir

Basa dilembur
Anjeun kungsi nyarita
Erek papisah

Dipilemburan
Tempat niiskeun hate
Miceun karudet

Halimun peuting
Dilembur nambah keueung
Kuring sorangan

Ras inget anjeun
Cumarita kasedih
Disisi kebon

Kiwari anjeun
Tebih ka panineungan
Ngumbara lila

Ceuk beja salira
Loba helas nalangsa
Taya kanyaah

Kuring dilembur
Ukur mampuh ngawur du'a
Mugi tawekal